De Salmone

________________________________________________
Title:     De Salmone
Author: Henry Vaughan [More Titles by Vaughan]

Ad virum optimum, et sibi familiarius notum:
D. Thomam Poellum Cantrevensem: S. S. Theologiae Doctorem.

Accipe praerapido salmonem in gurgite captum,
Ex imo in summas cum penetrasset aquas,
Mentitae culicis quem forma elusit inanis:
Picta coloratis plumea musca notis.
Dum captat, capitur; vorat inscius, ipse vorandus;
Fitque cibi raptor grata rapina mali.
Alma quies! miserae merces ditissima vitae,
Quam tuto in tacitis hic latuisset aquis!
Qui dum spumosi fremitus et murmura rivi
Quaeritat, hamato sit cita praeda cibo,
Quam grave magnarum specimen dant ludicra rerum?
Gurges est mundus: salmo, homo: pluma, dolus.

[The end]
Henry Vaughan's poem: De Salmone

________________________________________________



GO TO TOP OF SCREEN