Young Jamie, Pride Of A' The Plain

________________________________________________
Title:     Young Jamie, Pride Of A' The Plain
Author: Robert Burns [More Titles by Burns]

[Tune-"The Carlin of the Glen."]

Young Jamie, pride of a' the plain,
Sae gallant and sae gay a swain,
Thro' a' our lasses he did rove,
And reign'd resistless King of Love.

But now, wi' sighs and starting tears,
He strays amang the woods and breirs;
Or in the glens and rocky caves,
His sad complaining dowie raves:-

"I wha sae late did range and rove,
And chang'd with every moon my love,
I little thought the time was near,
Repentance I should buy sae dear.

"The slighted maids my torments see,
And laugh at a' the pangs I dree;
While she, my cruel, scornful Fair,
Forbids me e'er to see her mair."

-THE END-
Robert Burns' poem: Young Jamie, Pride Of A' The Plain

________________________________________________



GO TO TOP OF SCREEN