Charlie, He's My Darling

________________________________________________
Title:     Charlie, He's My Darling
Author: Robert Burns [More Titles by Burns]

'Twas on a Monday morning,
Right early in the year,
That Charlie came to our town,
The young Chevalier.

Chorus-An' Charlie, he's my darling,
My darling, my darling,
Charlie, he's my darling,
The young Chevalier.

As he was walking up the street,
The city for to view,
O there he spied a bonie lass
The window looking through,
An' Charlie, &c.

Sae light's he jumped up the stair,
And tirl'd at the pin;
And wha sae ready as hersel'
To let the laddie in.
An' Charlie, &c.

He set his Jenny on his knee,
All in his Highland dress;
For brawly weel he ken'd the way
To please a bonie lass.
An' Charlie, &c.

It's up yon heathery mountain,
An' down yon scroggie glen,
We daur na gang a milking,
For Charlie and his men,
An' Charlie, &c.

-THE END-
Robert Burns' poem: Charlie, He's My Darling

________________________________________________



GO TO TOP OF SCREEN