Pretty Peg

________________________________________________
Title:     Pretty Peg
Author: Robert Burns [More Titles by Burns]

As I gaed up by yon gate-end,
When day was waxin' weary,
Wha did I meet come down the street,
But pretty Peg, my dearie!

Her air sae sweet, an' shape complete,
Wi' nae proportion wanting,
The Queen of Love did never move
Wi' motion mair enchanting.

Wi' linked hands we took the sands,
Adown yon winding river;
Oh, that sweet hour and shady bower,
Forget it shall I never!

-THE END-
Robert Burns' poem: Pretty Peg

________________________________________________



GO TO TOP OF SCREEN