How Lang And Dreary Is The Night

________________________________________________
Title:     How Lang And Dreary Is The Night
Author: Robert Burns [More Titles by Burns]

How lang and dreary is the night
When I am frae my Dearie;
I restless lie frae e'en to morn
Though I were ne'er sae weary.

Chorus.-For oh, her lanely nights are lang!
And oh, her dreams are eerie;
And oh, her window'd heart is sair,
That's absent frae her Dearie!

When I think on the lightsome days
I spent wi' thee, my Dearie;
And now what seas between us roar,
How can I be but eerie?
For oh, &c.

How slow ye move, ye heavy hours;
The joyless day how dreary:
It was na sae ye glinted by,
When I was wi' my Dearie!
For oh, &c.

-THE END-
Robert Burns' poem: How Lang And Dreary Is The Night

________________________________________________



GO TO TOP OF SCREEN