The Deuks Dang O'er My Daddie

________________________________________________
Title:     The Deuks Dang O'er My Daddie
Author: Robert Burns [More Titles by Burns]

The bairns gat out wi' an unco shout,
The deuks dang o'er my daddie, O!
The fien-ma-care, quo' the feirrie auld wife,
He was but a paidlin' body, O!
He paidles out, and he paidles in,
rn' he paidles late and early, O!
This seven lang years I hae lien by his side,
An' he is but a fusionless carlie, O.

O haud your tongue, my feirrie auld wife,
O haud your tongue, now Nansie, O:
I've seen the day, and sae hae ye,
Ye wad na ben sae donsie, O.
I've seen the day ye butter'd my brose,
And cuddl'd me late and early, O;
But downa-do's come o'er me now,
And oh, I find it sairly, O!

[The end]
Robert Burns's poem: Deuks Dang O'er My Daddie

________________________________________________



GO TO TOP OF SCREEN