Beware O' Bonie Ann

________________________________________________
Title:     Beware O' Bonie Ann
Author: Robert Burns [More Titles by Burns]

Ye gallants bright, I rede you right,
Beware o' bonie Ann;
Her comely face sae fu' o' grace,
Your heart she will trepan:
Her een sae bright, like stars by night,
Her skin sae like the swan;
Sae jimply lac'd her genty waist,
That sweetly ye might span.

Youth, Grace, and Love attendant move,
And pleasure leads the van:
In a' their charms, and conquering arms,
They wait on bonie Ann.
The captive bands may chain the hands,
But love enslaves the man:
Ye gallants braw, I rede you a',
Beware o' bonie Ann!

[The end]
Robert Burns's poem: Beware O' Bonie Ann

________________________________________________



GO TO TOP OF SCREEN