She's Fair And Fause

________________________________________________
Title:     She's Fair And Fause
Author: Robert Burns [More Titles by Burns]

She's fair and fause that causes my smart,
I lo'ed her meikle and lang;
She's broken her vow, she's broken my heart,
And I may e'en gae hang.
A coof cam in wi' routh o' gear,
And I hae tint my dearest dear;
But Woman is but warld's gear,
Sae let the bonie lass gang.

Whae'er ye be that woman love,
To this be never blind;
Nae ferlie 'tis tho' fickle she prove,
A woman has't by kind.
O Woman lovely, Woman fair!
An angel form's faun to thy share,
'Twad been o'er meikle to gi'en thee mair--
I mean an angel mind.

[The end]
Robert Burns's poem: She's Fair And Fause

________________________________________________



GO TO TOP OF SCREEN