Of A' The Airts The Wind Can Blaw

________________________________________________
Title:     Of A' The Airts The Wind Can Blaw
Author: Robert Burns [More Titles by Burns]

[Written during a separation from Mrs. Burns in their honeymoon. Burns was preparing a home at Ellisland; Mrs. Burns was at Mossgiel.--Lang.]

[Tune--"Miss Admiral Gordon's Strathspey."]

Of a' the airts the wind can blaw,
I dearly like the west,
For there the bonie lassie lives,
The lassie I lo'e best:

There's wild-woods grow, and rivers row,
And mony a hill between:
But day and night my fancys' flight
Is ever wi' my Jean.

I see her in the dewy flowers,
I see her sweet and fair:
I hear her in the tunefu' birds,
I hear her charm the air:
There's not a bonie flower that springs,
By fountain, shaw, or green;
There's not a bonie bird that sings,
But minds me o' my Jean.

[The end]
Robert Burns's poem: Of A' The Airts The Wind Can Blaw

________________________________________________



GO TO TOP OF SCREEN