A Lown Nicht

________________________________________________
Title:     A Lown Nicht
Author: George MacDonald [More Titles by MacDonald]

Rose o' my hert,
Open yer leaves to the lampin mune;
Into the curls lat her keek an' dert,
She'll tak the colour but gie ye tune.

Buik o' my brain,
Open yer faulds to the starry signs;
Lat the e'en o' the holy luik an' strain,
Lat them glimmer an' score atween the lines.

Cup o' my soul,
Goud an' diamond an' ruby cup,
Ye're noucht ava but a toom dry bowl
Till the wine o' the kingdom fill ye up.

Conscience-glass,
Mirror the en'less All in thee;
Melt the boundered and make it pass
Into the tideless, shoreless sea.

Warl o' my life,
Swing thee roun thy sunny track;
Fire an' win' an' water an' strife,
Carry them a' to the glory back.

[The end]
George MacDonald's poem: Lown Nicht

________________________________________________



GO TO TOP OF SCREEN