A Sang O' Zion

________________________________________________
Title:     A Sang O' Zion
Author: George MacDonald [More Titles by MacDonald]

Ane by ane they gang awa;
The getherer gethers grit and sma':
Ane by ane maks ane and a'!

Aye whan ane sets doon the cup
Ane ahint maun tak it up:
A' thegither they will sup!

Golden-heidit, ripe, and strang,
Shorn will be the hairst or lang:
Syne begins a better sang!

[The end]
George MacDonald's poem: Sang O' Zion

________________________________________________



GO TO TOP OF SCREEN